Ўзбекистонда миллий маънавиятни ҳар томонлама юксалтириш масаласи асосий вазифа қилиб қўйилар экан, бугунги кунда маънавиятимизни шакллантирадиган ва унга таъсир ўтказадиган барча омилларни атрофлича тадқиқ қилиб, уларнинг бу борада қандай ўрин тутишини чуқур англаб олиш тақозо этилади. Зеро, халқ ҳаётининг руҳий-маънавий асосларини мустаҳкамлаш ва ривожлантириш республикамизда давлат сиёсати даражасидаги муҳим вазифалардандир. Маънавият шундай қимматбаҳо мезонки, у бизнинг қадимий ва навқирон халқимиз қалбида бутун инсониятнинг улкан оиласида ўз мустақиллигини тушуниб етиш ва озодликни севиш туйғуси билан биргаликда тарихан шаклланган.