Xitoy tili tadqiqotchilari来 (kelmoq) va 去 (ketmoq) fe’llarini harakat yo`nalishi fe’llari guruhiga kiritadilar. Ularning fikricha, bular asosiy sodda harakat yo`nalishi fe’llari, chunki ular ishtirokida harakat yo`nalishi ma’nosini anglatadigan qo`shma fe’llar hosil qilinadi. Aksariyat tadqiqotchilarning ko`rsatishicha, 来 (kelmoq) va 去 (ketmoq) harakat yo`nalishi fe’llari semantikasining xususiyati shundaki, bu fe’llar sodir bo`layotgan harakatga nisbatan so`zlovchining turgan joyiga ishora qiladi. Agar harakat so`zlovchi (yoki obyekt)ga yo`nalgan bo`lsa, 来 (kelmoq), aksincha, so`zlovchi (yoki obyekt)dan “uzoqlashish” ma’nosi ifodalansa, 去 (ketmoq) fe`li qo`llaniladi