XX asrning ikkinchi yarmida Yapon adabiyotida yulduzi charaqlagan va hanuz so’nmagan adiblardan biri bu albatta Haruki Murakamidir. O’zining betakror asarlari bilan u nafaqat Yaponiya, balki butun dunyo bo’ylab shuxrat qozonishga muvaffaq bo’lgandir. Zero, uning ijodiyotiga g’arb, hususan AQSH adabiyoti ta’siri ulkandir. Nobel mukofoti sovrindori, zamondosh yozuvchi Oe Kendzaburoning fikricha, Haruki Murakami yapon tilida ijod qilsa-da, uning asarlari boshqa yapon adabiyoti asarlaridan farqlanadi. Chindan ham, Murakamining aksariyat ixlosmandlari shuni ko’p marotaba qayd etadilar. Bu borada kitobxonlar orasida “Murakamishunoslik” deb atalmish jamiyat ham mavjuddir. Shu bilan birga adib ijodiyotini safsata va tushunarsiz deb baholaydigan shaxslar ham yo’q emas.