Adabiyot - xalqning o`zligini namoyon etuvchi, o`zida dolzarb masalalarni qamrab olib ko`zgudek ko`rsatuvchi mohir san’atdir. Koreys adabiyotining zamonaviy she’riyat davri 1910 yildan boshlangan bo`lib, bu davrda Koreya Yaponiyaning mustamlakasi ostidagi davlat hisoblangan. 1910 yildan to 1945 yilgacha bo`lgan davrni o`z ichiga olgan Yaponiya mustamlakasi Koreya tarixida “zulmat davri” nomi bilan ham mashhurdir. Bunga sabab, XIX asrda Koreya Yaponiyaning mustamlakasiga aylanganligi bo`lib, XIX asrning ikkinchi yarmidanoq G`arbda “qoloq davlat” deb atalgan Koreyani kuch bilan qo`lga kiritish-“ochish” harakati boshlangan edi. Ketma-ket tuzilgan noto`g`ri siyosiy bitimlar 1876 yil Yaponiya bilan , undan keyin AQSh (1882 yil), Angliya (1883 yil), Rossiya (1884 yil), Fransiya (1886 yil) Koreyani mustamlaka qilib olishdagi jang maydoni ob’yektiga aylanishiga sabab bo`ldi va natijada bu jangda Yaponiya g`olib chiqdi