Yapon adabiyotida o’ziga xos, beqiyos o’rin tutgan, yapon adabiyotida realizm, modernizm yo’nalishlarining rivojiga munosib hissa qo’shgan adabiy tanqidchi, taniqli adabiyotshunos olim, ingliz adabiyoti bo’yicha yetuk yozuvchi Natsume Souseki (asl ismi Kinnoske, Souseki-adabiy taxallusi) 1867-yil 5-yanvarda Edo davrining mashxur zodagonlari oilasida tavallud topdi. Lekin Meiji inqilobi uning oilasini barcha narsadan mahrum qildi. Yozuvchining otasi mamlakatda sodir bo’layotgan siyosiy o’zgarishlar natijasida uning oilasi tirik qolishiga umidi ham yo’q edi. Shuning uchun ijodkorning tavallud topishi uni xursandchilikdan ko’ra ko’proq xavotirga solardi. Shu sababli, yosh ijodkorni boshqa oilaga berib katta qilishga kelishdilar.