Dialektizmlar ham tilimizning o`ziga xos boyligi bo`lib, adabiy tilning boyish manbalaridan biri sanaladi. Ushbu maqolada yozuvchi Normurod Norqobilovning “Xazina” qissasida qo`llanilgan o`zbek tilining qipchoq lahjasiga mansub bo`lgan dialektizmlar tahlil qilingan. Dialektlar adabiy tildan fonetik, leksik va grammatik xususiyatlariga ko`ra farqlanadi. Maqolada, asosan, o`zbek adabiy tilidan fonetik va grammatik jihatdan farqlanuvchi dialektizmlar tahlilga tortilgan.