Ushbu maqolada mustaqillik yillaridagi ta’lim tizimining moddiy texnik
bazasining ta’minlanganligi to’g’risida yoritilgan.
Mamlakatimizda boshlangan islohotlar istiqlolning ilk yilidan boshlaboq jamiyatimizning
barcha jabxalarida o`z amaliy nishonalarini ko`rsata boshladi.
Ayniqsa, ta’lim sohasiga alohida e’tibor qaratilib, eng avvalo, uning huquqiy asoslari
yaratildi.O`zbekiston ta’limi tarixida 1997 yil 29 avgust kuni qabul qilingan “Ta’lim
to`g`risida”gi va “Kadrlar tayyorlash milliy dasturi to`g`risida”gi Qonunlar eng muhim
ahamiyat kasb etganligi shubhasizdir. Birinchi prizentimiz I.Karimov rahnamoligida qabul
qilingan va chuqur tahlillarga boy bo`lgan mazkur Qonunlarda quyidagi asosiy vazifalar
belgilab berildi:
-ta’lim tizimini tubdan isloh qilish;
-o`quv -tarbiya jarayoni sifatini jahon standartlari darajasiga ko`tarish;
-zamonaviy pedagogik va axborot texnologiyalarning yangi usullarini joriy etish;
-ta’lim muassasalarining moddiy-texnik bazasini yangi o`quv adabiyotlari, zamonaviy jihozlar
va kompyuter texnikasi bilan mustahkamlash;
-pedagogik kasbga hurmatni oshirish, ularning mehnatga qiziqishini kuchaytirish uchun zarur
bo`lgan ijtimoiy – iqtisodiy shart-sharoitlarni yaratish;
Shuningdek, farzandlarimizni vatanparvar, zamonaviy bilimlar bilan qurollangan, erkin
fikrli, yangilik yaratishga ishtiyoqmand qilib voyaga etkazish asosiy maqsad qilib qo`yildi.
Islohotlar davrida kadrlar tayyorlash milliy dasturiga muvofiq hamda o`sib kelayotgan
yosh avlodning jismoniy va ma’naviy salomatligini shakllantirishning, sog`lom turmush
tarziga intilish va sportga mehr – muhabbatni singdirishning g`oyat muhim sharti sifatida
bolalar ommaviy sportini rivojlantirishni ta’minlash maqsadida O`zbekiston Respublikasi
birinyai prezidenti I.Karimovning 2002 yil 24 oktyabrdagi”O`zbekiston bolalar sportini
rivojlantirish jamg`armasini tuzish to`g`risida“gi PF-3154-sonli farmoni qabul qilindi. Ushbu
farmonga asosan birinchi navbatda, qishloq joylarida bolalar jismoniy tarbiya va sportining
moddiy bazasini shakllantirish, aholi manzilgohlarida zamonaviy bolalar sport komplekslari
tarmog`ini barpo etish, ularning zamonaviy sport uskunalari hamda anjomlari bilan jihozlash
ishlari amalga oshirilmoqda.
Ilg`or pedagogik texnologiyalarni ta’lim jarayoniga kengroq tadbiq etish, ta’lim
sohasidagi axborot almashinuvini joriy etish maqsadida Xalq ta’limi vazirligi va Osiyo
taraqqiyot banki hamkorligida viloyatda 98 ta klaster maktablari, 110 ta Axborot-resurs
markazlari tashkil etilib, eng so`nggi zamonaviy texnik jihozlar bilan ta’minlandi.
Unib-o`sib kelayotgan yosh avlodning iste’dodini har tomonlama kamol toptirish va
madaniy saviyasini yuksaltirish, yoshlarimizning milliy va jahon musiqalari, tasviriy
san’atining yuksak namunalaridan keng bahramand bo`lishi uchun zarur sharoitlar yaratish,
boshlang`ich musiqiy ta’lim tizimini tubdan takomillashtirish, bolalar musiqa va san’at
maktablarini rivojlantirish hamda zamonaviy moddiy - texnik bazasini shakllantirish, ularni
musiqiy madaniyat va san’at sohasidagi yuqori malakali pedagog kadrlar va mutaxassis
kadrlar bilan ta’minlash yana bir amalga oshirilayotgan islohotlardan biri bo`lib, 2008 yil 8
iyuldagi O`zbekiston Respublikasi birinchi prezidenti I.Karimovning “Bolalar musiqa va san’at
maktablarining moddiy-texnik bazasini mustahkamlash va ularning faoliyatini yanada
yaxshilash bo`yicha 2009-2014 yillarga mo`ljallangan davlat dasturi to`g`risida”gi qarori qabul
qilindi.