Дар адабиёти форсии тоҷикӣ аввалин шоирон ба монанди Ҳанзалии Бодғисӣ, Абӯсалики Гургонӣ баъдтар Рӯдакӣ дар асарҳои безаволи худ, ки то ба мо омада расидааст, аз панду ахлоқ истифода бурдаанд. Шоирони дигари асри даҳуми мелодӣ Шаҳиди Балхӣ, Абӯтоҳири Хусравонӣ, Дақиқӣ, Хусравии Сарахсӣ, Абулфатҳи Бӯстӣ низ аз худ қитъаҳои баланди ахлоқӣ мерос гузоштаанд. Вале, баъзе аз олимони адабиётшинос таъкид мекунанд, ки «ҳеҷ як аз онон дар ин роҳ ба Абӯшакури Балхӣ намерасанд»