Дунёда сурункали гломерулонефрит, артериал гипертония, диабетик нефропатия каби касалликлар сабабли сурункали буйрак етишмовчилигини (СБЕ) сони ўсиб бормоқда . Бугунги кунда буйрак етишмовчилиги энг кўп тарқалган соматик патологиялардан бири бўлиб, нефрологлар, эндокринологлар, кардиологлар ва терапевтлар олдидаги энг муҳим вазифа – сурункали буйрак етишмовчилигини гемодиализга сабаб бўлувчи терминал босқичга ўтиш вақтини узайтиришдан иборат бўлмоқда.