Кончилик иши инсоният фаолиятининг асосий кўринишларидан бири бўлиб, ҳаѐт даражаси ва цивилизациянинг ўсишини таъминлайди. Кон ишлари саноат ишлаб чиқаришнинг етакчи тармоғи сифатида конларни разведка қилиш, уларни қазиб чиқариш, қазиб олинган хом ашѐни дастлабки қайта ишлаш, кончилик корхоналари қуриш ва турли вазифаларни бажаришга мўлжалланган ер ости иншоатларни барпо этиш каби ишларни ўз ичига олади.
Кончилик саноати кон ишлари таркибини ташкил қилувчи бўғин сифатида фойдали қазилма конларини қазиб олиш ва дастлабки бойитиш ишларини амалга оширади. Кончилик саноати мамлакат халқ хўжалигига ѐқилғи (кўмир, ѐнувчи сланецлар, торф, нефть, табиий газ), қора, рангли ва радиоактив металлар рудалари, кон-кимѐ хом ашѐлари, қурилиш материаллари ва бошқа хом ашѐларини етқазиб беради.