Тасвирий санъатнинг ўзига хос гўзал ва нафис хилқатлари асосан композицияда акс этади. Табиатнинг манзарали бўлагига кўзимиз тушганда ундаги элементларнинг бир-бири билан уйғунлиги топилганидан ниҳоятда завқланамиз. Бу албатта, табиат инъоми. Тасвирий санъатда композиция қаламтасвир, соя-ёруғ, ранг, ҳаво ва чизиқ перспективаси каби тасвирий воситалар билан яратилади.