Ózbekistan Respublikası sociyallıq-ekonomikalıq rawajınıń xázirgi basqıshta ekonomikanı jánede erkinlestiriw, alıp barılıp atırǵan bazar reformaların jánede tereńlestiriw arqalı múlkdarlar klasın qáliplestiriw, xalıqtıń bántligin asırıw, kishi biznes hám jeke isbilermenlikti jánede rawajlandırıw milliy ekonomikamız aldında turǵan aktual mashqalalardan biri bolıp esaplanadı. Mámleketimizde ámelge asırılıp atırǵan reformalardıń tiykarǵı baǵdarlamalarınıń biri – kishi biznes hám jeke isbilermenlikti rawajlandırıw, olar ushın qolaylı sharayatlar jaratıwdan ibarat.