Ha’r qanday pa’nnin’ mazmunı h’a’m obekti yag’nıy nelerdi u’yretiwi h’a’m qanday usıllardın’ ja’rdeminde
u’yretiwi menen anıqlanadı. Statistika o’z aldına ja’miyetlik pa’n bolıp, o’zinin’ jekke predmetine h’a’m usıllarına
iye. Demek, statistika pa’ni nelerdi u’yretedi Statistika pa’ni ja’miyetlik h’a’diyselerdin’ sanlı ta’replerin olardın’
sapa ta’repleri menen o’z - ara baylanısqan h’alda u’yretedi. Pu’tkil du’nyadag’ı ta’biyg’ıy h’a’m ja’miyetlik
h’a’diyselerdin’ barlıg’ı statistikanın’ u’yreniw obekti bolıp esaplanadı. Tabiyg’ıy h’a’diyselerdin’ sıpat ta’replerin
o’z aldına ta’biyat pa’nleri u’yrenedi. Ma’selen, h’aywanat du’nyasın - zoologiya, zatlardın’ du’zilisin - ximiya,
organikalıq o’mirdi - biologiya, kosmostı - astronomiya, jer qatlamları h’a’m olardın’ baylıqların - geologiya
u’yretedi h’a’m tag’ı basqa ta’biyiy h’a’diyselerdin’ mug’darlıq ta’replerin aytarlıqtay da’rejede matematika
u’yrenedi.