Ҳәр қандай халық, миллет өзиниң миллий өзлигин биринши гезекте тили, аймақлық шегаралары, экономикалық қатлам бирликлери (уклады) көриниси - турмыс тәризи менен аңлатып туратуғынындай, психикалық ой-пикир дүньясында сәўлелениў табатуғын миллий менталитет бирликлери: үрп-әдет дәстүрлери, миллий қәдириятлары, руўхый-эстетикалық санасының сәўлеси болған мәдений мийраслары, соның ишинде бай аўызеки көркем дөретпелери менен басқа, ҳәттеки генетикалық келип шығыўы бир туўысқан халықлардан да айырықша ажыратып көрсетип турады.