Optik asbob – bu nur to`lqinlari harakatiga asoslanib, optik tizim (linza, prizma, oyna va h.k) yordamida oriyentirlar aksini olish mumkin bo`lgan texnik qurilma. Ob’ektiv va okulyar optik asbobning asosiy qismlariga kiradi.
Hech kimga sir emaski, insoniyatning ko`rish qobiliyati mukammal emas. Misol uchun mushuklar odamlarga nisbatan aniqroq ko`ra olishadi. Mushuklar yorug`likda ham, qorong`ulikda ham narsalarni birdek ajrata olishadi. Turli sabablar oqibatida ko`rish qobiliyati susaygan odamlar nima qilishsin? Bunda birinchi navbatda yordamga optika asboblari keladi. Dastlabki ko`zoynaklar 1280 yilda Italiyalik fizik Salvino Del Armati tomonidan ishlab chiqilgan. Armati yaratgan ko`zoynaklar ikkita qavariq shishali linzalardan iborat bo`lib, ular buyumlarni kattalashtirib ko`rsatardi. Natijada yanada aniqroq ko`rish imkoniyati yuzaga kelgan. Linzalar shikastlanmasdan uzoq saqlanishi uchun doiralar ichiga joylashtirilib ikkisini o`rtada birlashtirilgan.Bir qarashda ko`zoynak taqib yurish juda osondek tuyuladi,lekin tuzuvchi olimlar 300 yil tinmay, uni taqishning yanada qulay usullarini izlashgan.