Педагоглик фаолиятимизда доимий равишда қандай сабоқ берсам, қай усулда ёндошсам талабаларим фанимни етарлича ўзлаштирадилар, деган саволга дуч келамиз ва унинг ечимларини излаймиз. Шу ўринда, тажрибали педогогларимизнинг ўқитишда фандаги мавзулар эмас, балки шу мавзуларни ўргатишда қўлланиладиган методлар асосийси ҳисобланади, деган ўгитларини эслаш ўринлидир. Шунинг учун бўлса керак, ўқитишнинг усуллари доимий янгиланиб ва ривожлантирилиб келинди ва бугунги кунда таълим соҳасида фаолият юритаётган ҳар бир мутахассис яхши биладики, таълимий мақсадларга эришишнинг энг самарали, мақбул йўли-ўқув жараёнларни интерфаол ўқитиш методлари ёрдамида ташкил этишдан иборатдир. Хўш, ўзи интерфаоллик нима?