Ulıwma til bilimi-lingvistikanıń ulıwma tillik teoriyası. Ol pútkil lingvistikanıń baǵdarın belgilewshi kompas ilim. Bur kurs masshtab óz aldına kurs retinde 1963-jıldan baslap engizildi. Bul pánniń maqseti studentlerdi teoriyalıq lingvistikanıń eń negizgi máselelerinen xabardar etiw. Olarǵa til tuwralı ilimniń ótken tariyxınan, házirgi jaǵdayınan, rawajlanıw baǵdarınan, ilimniń aldında turǵan baslı problemalardan sistemalı bilim beriw. Bul kurs 4 bólimge bólinip oqıtıladı: lingvistika tariyxı, tildiń teoriyası, lingvistikalıq metodlar, til biliminiń basqa ilimler menen qarım-qatnası.