G`a`rezsizlikke eriskennen keyin O`zbekstanda jan`a o`ndiris tarmaqlarının` jaylasıwı ha`m rawajlanıwı, a`sirese xızmet ko`rsetiw tarmaqlarının` rawajlanıwına u`lken itibar berilmekte. Bul boyınsha ha`r bir rayonnın` sotsialekonomikalıq rawajlanıw o`zine ta`n orın iyeleydi. Bazar qatnasıqları sharayatında o`ndiris tarmaqların rawajlandırıw, mu`lkshiliktin` ma`mleketlik emes formalarına o`tiw, mu`lkti ma`mleket qaramag`ınan shıg`arıw, xojalıq ju`ritiwshi subektlerdin` nızamlı xızmetin sho`lkemlestiriwge ayrıqsha itibar qaratılıp atır.