Son`g`ı jılları Hu`kimetimiz ta`repinen barlıq tarawlardı kompleks rawajlandırıw boyınsha bir qatar Pa`rmanlar, Qararlar ha`m Ma`mleketlik da`stu`rlerin qabıl etip, olardı orınlaw ushın ken` ko`lemdegi ilajlar alıp barılmaqta. Ha`zirgi zamanda ilim-texnikanın` tez pa`t penen rawajlanıwı insannın` ta`biyatqa, anıg`ırag`ı ta`biyiy resurslarg`a bolg`an talabın asırıp jiberdi. Bul o`z gezeginde ta`biyiy sharayat, resurslardı durıs bahalaw ha`m paydalanıwdı talap etedi. O`ytkeni ha`r bir aymaqtın` sotsial-ekonomikalıq jaqtan rawajlanıwında onın` ta`biyiy sharayatı ha`m ta`biyiy resursları a`hmiyetke iye bolıp esaplanadı.