Бугунги кунда дунёда ғўза чигитини етиштириш ҳажми бўйича 10 та мамлакат етакчилик қилмоқда, Ўзбекистон ушбу давлатлар ўртасида 5-ўринни эгаллайди. Ғўза чигитини етиштириш ҳажми тонна ҳисобида Ҳиндистонда йилига 11 млн. 400 минг, Хитойда 9 млн 330 минг, Покистонда 3 млн, Бразилияда 2 млн 266 минг, Ўзбекистонда 1 млн 600 минг, Туркияда 853 минг, Австралияда 800 минг, Туркманистонда 509 минг, Европа иттифоқида 383 минг ва Бирма давлатида 350 минг тоннани ташкил этади. Ушбу етиштирилаётган ғўза чигити заҳирасининг 15-20 фоизи уруғлик чигит ҳиссасига тўғри келади.