Жаҳонда сув ресурсларидан самарали фойдаланиш, гидротехника иншоотлари ва гидромелиоратив тизимларни хавфсиз эксплуатациясини таъминловчи технологияларни яратиш, суғориш каналларининг гидравлик самарадорлигини ошириш услубиятларини такомиллаштириш ва очиқ ўзанларда гидравлик жараёнларини башорат қилиш услубларини ишлаб чиқиш муҳим масалалардан бири ҳисобланади. Шу жиҳатдан, суғориш каналларининг эксплуатацион ишончлилигини ошириш, тупроқ ўзанли суғориш каналларида икки фазали турбулент оқим кинематик ва динамик тавсифларини ҳисоблаш услубларини такомиллаштириш алоҳида аҳамият касб этади.