Бутун дунёда аҳоли сонининг ортиб бориши натижасида озиқ-овқат муаммоси биринчи даражага кўтарилиб, табиий ҳолдаги озиқ-овқатлар, гўшт ва сут маҳсулотлари ҳамда саноат хом ашёлари - жун, тери ҳамда чорва молларидан олинадиган бошқа сифатли маҳсулотларга бўлган талаб ҳам ортиб бормоқда. Аҳоли талабларини қондириш мақсадида жаҳон ҳамжамияти томонидан чорвачиликни янада ривожлантириш чоралари қидирилмоқда. Бу тармоқни ривожлантириш эса чорва молларини сифатли ва тўйимли озуқа билан таъминлашга бевосита боғлиқдир.