Hár bir adam aspanniń kók, tereklerdiń jasil ekenligin kóredi, kósheden shiǵip atirǵan seslerdi esitedi, zatlardiń issi yamasa suwiq ekenligin sezedi, yaǵniy hár bir insan qorshaǵan ortaliqti sezedi hám qabil etedi. Insan oylaydi hám sóyleydi, pikir júritedi. Ótmishti eslep, keleshek haqqinda árman etedi. Bular este saqlaw hám kóz aldimizǵa keltiriw járdeminde ámelge asiriladi. Kóplegen qubilislar insandi tolǵandiradi, kewlin kóteredi yamasa qapa etip, qanday-da bir sezimlerdi payda etedi. Insan bir nárselerge umtiladi, gózlegen maqsetine jetiw ushin talapshańliq hám eriklik kórsetedi.