Замонавий таълим билимлар мактаби бўлган эски моделдан янги – салоҳият мактабига ўтиш босқичида турибди. Педагоглар тез ўзгарувчан дунё шароитида нимага ўргатиш ва қандай ўргатиш деган эски саволга жавоб изламоқда. Фаол ва интерфаол усуллар, ўқитиш муҳитини яратиш орқали ўқитиш, ҳамда ўқитишда ўзини ташкиллаштиришнинг турли шакллари ривожланган мамлакатлар таълимидаги инновацияларнинг олдинги қаторига чиқмоқда. Ҳозирги пайтда таълим тизимини такомиллаштириш орқали ҳар томонлама етук, баркамол, мустақил фикрлашга қодир, иродали, фидойи ва ташаббускор кадрларни тайёрлашга катта эътибор берилаяпти.