Дунёда ҳозирги давр жамият ва табиат ўртасидаги муносабатларининг кескинлашганлиги билан тавсифланади. Халқаро экспертларнинг тадқиқотлари шуни кўрсатадики, “инсон фаолиятининг табиатга таъсири ҳозирнинг ўзида табиатнинг бу таъсир оқибатларини бартараф этиш имкониятларидан 25-30 фоизга ортиб кетган, биосферага етказилган экологик зарар эса 4 трлн. АҚШ доллари миқдорида баҳоланмоқда” . Шу боис табиатдан фойдаланиш жараёнида ҳудудларнинг табиий-хўжалик хусусиятлари комплекс ҳисобга олиниши тақозо этилмоқда.