Дунёда бронх-ўпка касалликлари замонавий педиатриянинг ечими топилмаган муаммолардан бири бўлиб қолмоқда. Охирги 10 йилликда ушбу касалликлар ичида зотилжам етакчи ўринларни эгаллаб турибди. Жаҳон соғлиқни сақлаш ташкилоти (ЖССТ) маълумотларига кўра зотилжам дунёда болалар ўлимига энг кўп сабаб бўлувчи омиллардан бири ҳисобланади, хусусан, беш ёшгача бўлган болалар ўлимида ушбу касаллик 17,5%ни ташкил этиб, ҳар йили мазкур ёш гуруҳидаги 1,1 миллион бола шу касаллик туфайли ҳаётдан кўз юмади.