Ҳозирги кунда фитокимёнинг асосий йўналишларидан бири иккиламчи метаболитларнинг икки асосий синфи – терпеноидлар ва фенолли бирикмалар ҳосил қилувчи ўсимликларнинг кимёвий таркибини тадқиқ этишдир ва ушбу йўналиш жаҳоннинг турли (Европа, Осиё, Америка) илмий марказлари томонидан ривожлантирилмоқда. Биологик фаол ўсимлик терпеноидлари ва фенол бирикмалари инсон, ҳайвон, микроорганизмлар ҳамда ўсимликларга турлича таъсир қилиши уларни тиббиёт, ветеринария, парфюмерия, кос-метология ва қишлоқ ҳўжалигида кенг қўллашга асос бўлган.