Дунё қишлоқ хўжалигида заҳарлилиги кам ва юқори самарадор бўлган, ўсимликлар ҳосилдорлигини оширувчи стимуляторлар олиш ва турли хил зараркунанда ҳашаротлар ва фитопатоген микроорганизмларга қарши курашиш долзарб муаммолардан биридир. Ама-лиётда қўлланилаётган кимёвий воситалар таркибида бир турдаги моддадан кўра икки ёки ундан ортиқ бирикмаларнинг биргаликдаги таъсири самараси анча юқори бўлади, яъни синергизм кузатилади. Шунинг учун таркибида турли кимёвий бирикмалар сақлаган ара-лаш лигандли биофаол комплексларни синтез қилиш ва фаоллигини аниқлаш муҳим ҳисобланади.