Хорижий мамлакатларда илғор педагогик тадқиқотлар билан шуғулланувчи Swiss Federal Institute of Technology (Швейцария), University of Bridgeport (АҚШ), University of Warwick (Буюк Британия) ва Edith Cowan University (Австралия) каби нуфузли олий таълим муассасалари ва илмий-тадқиқот марказларида таълим сифатини ошириш ва унинг натижаларини бошқариш билан боғлиқ тизимли функционал баҳолаш технологиялари ва педагогик ташхислашнинг илмий асосланган объектив тизимини яратиш долзарблигича қолмоқда. Хусусан, бўлажак мутахассис кадрларнинг касбий фаолиятга тайёргарлик даражасини ва метакасбий сифатларини меҳнат бозори талаблари асосида квалиметрик ёндашув асосида баҳолаш катта аҳамият касб этмоқда.