«Qurilishda axborot texnologiyalari» fanidan «Mathcad dasturi imkoniyatlari» mavzusida amaliy va mustaqil ishlarni bajarishlari uchun

Uslubiy ko’rsatma O’zbekiston Respublikasida amaldagi davlat ta’lim standartlari, «Qurilishda axborot texnologiyalari» fanining o’quv va ishchi o’quv dasturlari talablari asosida tayyorlandi. Uslubiy ko’rsatmada Mathcad dasturi, Mathcad dasturining matematik hisoblashlarni amalga oshirish jarayonidagi qulayliklari, uning imkoniyatlari va afzalliklari hamda unda qo’yilgan masalalarning grafiklarini qurish, saqlash, qayta ishlash to’g’risida nazariy ma’lumotlar berilgan. Mathcad dasturining turli versiyalari bilan ishlashda ularning farqli tomonlari ham ko’rsatib o’tilgan. Uslubiy ko’rsatmada amaliy mashg’ulotlarni bajarish uchun topshiriqlar, ularni bajarish namunalari keltirilgan. Shuningdek, talabalarning mustaqil ishlarini bajarishlari uchun tenglama, chiziqli algebraik tenglamalar sistemasini yechish, matritsalar ustida amallar bajarish, ikki va uch o’lchovli fazoda funksiyalarning grafigini chizishga oid ma’lumotlar berilgan.