Fanning maqsadi talabalar tomonidan yuqori molekulali birikmalar rivojining xozirgi zamon yo`nalishlari, yuqori molekulali birikmalar tuzilishining va xossalarining o`ziga xosligi, polimerlarni olinishi va qayta ishlanishi, turli polimer materiallar va buyumlar, xususan polimer plenka materiallar, qoplama xosil qiluvchilar, sun’iy charm, tola, izolyatsion materiallar olish jarayonlarining asosi bo`lgan bu sinf birikmalarining tub masalalarini o`rgatishdir.
Fanning vazifasi: Talabalar tomonidan yuqori molekulali birikmalar tasniflanishi va nomlanishi, polimer xossalarining o`ziga xosligi, ularning quyi molekulali birikmalardan farqi; yuqori molekulali birikmalar olish jarayonlarining, polimer kimyoviy o`zgarishlarining asosiy usullarini va qonuniyatlarini o`rganish; polimerlarning tuzilishi, agregat, fazaviy va fizik xolatlari, kristall va amorf polimerlarning tuzilishi xaqidagi zamonaviy qarashlarni o`rganish; polimer va ular asosidagi materiallarni turli fizik va fazaviy xolatlardagi mexanik tutishining xususiyatlari; polimerlar erishining qonuniyatlarini o`rganishdir.