Жаҳонда инсон ва унинг қадр-қиммати, жамият тараққиёти аждодлар қолдирган бой маънавий мерос билан баҳоланиб, келажак пойдевори сифатида қадрланиб келади. Жумладан, буюк мутафаккир Жалолиддин Румий маънавий мероси Европа ҳамда Осиёнинг кўпгина ривожланган мамлакатлари тадқиқот марказларида кенг ўрганилади. Алломанинг маънавий-маърифий қарашларини ўрганишга асосланган лойиҳалар, музей ва виртуал музейлар, жамғармалар, конференциялар, интернет саҳифалари ҳамда илмий журналлар тизими жорий этилган. 2007 йилда ЮНЕСКО томонидан аллома даҳосига эҳтиром кўрсатилиб, Румий таваллудининг 800 йиллиги дунё миқёсида кенг нишонланиши унинг бой маънавий мероси умумбашарий аҳамиятга эга эканини исботлайди.