Дунёда аҳолини озиқ-овқат маҳсулотлари, саноатни хомашё, чорвачиликни эса озуқага бўлган талабни қондиришда дала экинларининг биологик хусусиятлари, тупроқ ва иқлим шароитларини ҳисобга олган ҳолда уларни етиштириш агротехнологияларини ишлаб чиқишга алоҳида эътибор қаратилмоқда. Маккажўхори (Zea mays L.) экини майдони дунё бўйича буғдой ва шолидан кейин учинчи ўринни, ем-хашак экинлар гуруҳида эса биринчи ўринни эгаллайди. Бугунги кунда маккажўхори экин майдони АҚШда 22,5 млн., Хитойда 20,6 млн., Бразилияда 11,8 млн. гектарни ташкил этади.