Жаҳонда хотин-қизларнинг ижтимоий-сиёсий мавқеини янада оширишга бўлган эҳтиёж долзарб масала сифатида кун тартибига қўйилмоқда. Ҳозирги вақтда, «...дунё аҳолисининг 51% ни аёллар ташкил этган ҳолда, уларнинг фақат 5%и давлат ва жамият бошқаруви лавозимларида фаолият юритмоқда» . Таъкидлаш керакки, бу эҳтиёж гендер тенглигига эришиш, аёлларга ҳуқуқий муносабатни меъёрловчи амалдаги миллий қонунчилик тизимини янада такомиллаштириш жамиятда хотин-қизларга нисбатан ижтимоий ёндашувни яхшилашда ўз аксини топмоқда.