Fizika qonunlarini bilish deganda, bu ularni ta’riflashni bilish bo`lmay, balki
ularni aniq masalalarni yechishda tatbiq qilishni bilmoq demakdir. Masala yechishni
bilish, studentlarni mustaqil ijodiy ishlashga yordam beradi, o`rganilayotgan
hodisaning analiz qilishga o`rgatadi, ularni keltirib chiqargan sabablarni (faktorlarni)
ajratib olishga imkon beradi.
Mustaqil ravishda masala yechish protsessi eng ko`p foyda keltiradigan prosess
bo`lib, quyidagi metodik qo`llanma buni amalga oshirishga qaratilgan. U umumiy
fizika kursi programmasi asosida tuzilgan bo`lib, birinchi semestrda ajratilgan
masalalarni va metodik ko`rsatmalarni o`z ichiga oladi.
Uy vazifasi uchun mo`ljallangan masalalar variantlar bo`yicha taqsimlangan
bo`lib, har bir variant o`z ichiga to`rtta masalani oladi. Har bir mavzu oldidan masala
yechish bo`yicha qisqacha uslubiy ko`rsatmalar va tavsiyalar berilgan, har bir mavzu
ichida masalalarni turli tiplarga bo`linishi bilan ularni yechish misollari ko`rilgan.
Masalalarni tushungan holda yechish faqat shunga tegishli nazariy materialni
to`liq o`zlashtirgan holdagina mumkindir. Buning uchun har bir tema bo`yicha darsga
tayyorlanishda tema problemalarini yaxshi tushunishda va ularni to`g`ri talqin
qilishda talabalarning e’tiborini jalb qilishga imkon beruvchi nazorat savollar
keltirilgan.