Magistrlik dissertatsiyasi mavzusining asoslanishi va uning dolzarbligi:
O`zbekiston Respublikasi Prezidentining 2006 yil 20 iyundagi «Respublika
aholisini axborot-kutubxona bilan ta`minlashni tashkil etish to`g`risida»gi PQ
381-sonli Qarori1 strategik jihatidan muhim hisoblanadi, u mamlakatning bilim
va ma`naviy salohiyatini mustahkamlashga, rivojlanishini tezlashtirishga
yo`naltirilgan. Qarorning ijrosini ta`minlash maqsadida Respublikamizdagi bir
qator axborot-kutubxona muassasalari xizmat ko`rsatish sifatini tubdan isloh
qilishni boshladilar. Axborot-kutubxona muassasalarini avtomatlashtirish,
dastlab kutubxonachilik ishi bo`yicha me`yoriy-huquqiy hujjatlarni tahlil
qilishdan boshlash maqsadga muvofiqdir. Xususan, axborot-kutubxona
muassasalarini jahon talablariga mos ravishda avtomatlashtirish, xuddi shunday
huquqiy-me`yoriy hujjatlardan biri – xalqaro standartlarga tayangan holda olib
boriladi.