Дунё бўйича Agaricus туркумига мансуб қўзиқорин турлари ва бошқа истеъмол қилинадиган замбуруғлар ўстирилишини таҳлил қилинганда, охирги 40 йил давомида уларнинг ҳажми 10 баробар ўсиб, миқдори 10 млн тоннадан ошган . Бошқа маълумотларда эса жаҳонда истеъмол ва тиббиёт мақсадларида етиштириладиган жами қўзиқоринлар миқдори 30 миллион тоннадан ортиқ эканлиги кўрсатилиб, унинг 25 миллион тоннаси (80%) Хитой давлати ҳиссасига тўғри келади. Дунё бўйича қўзиқоринларни етиштириш ҳажми мунтазам ортиб бораётган бир пайтда, уларни республика шароитига мос етиштириш технологиясини ишлаб чиқиш долзарб масала ҳисобланади.