Кузги юмшоқ буғдой донлари суғориладиган ерларда етиштирилаётганда жадал ўсиши ва ривожланиши натижасида лалмикор ерлардагига нисбатан дон ҳосилдорлиги деярли 8-10 ҳиссагача юқори бўлади. Бироқ, мўл ва сифатли дон ҳосили шаклланиши жараёнида бегона ўтлар, зараркунанда ҳашаротлар, касалликлар ва бошқа омилларнинг ҳам жадал ривожланиши натижасида етиштирилган доннинг ифлосланиши табиий. Шу сабабли ҳам далаларда, айниқса, суғориладиган ерларда етиштирилган дон тайёрлов идораларига қабул қилинганидан кейин дастлабки ишлов бериш жараёнида тозаланиб, сифатига тегишли баҳо берилиши долзарб муаммо ҳисобланади.