Бугунги кунда дунё компьютер лингвистикаси табиий тил имкониятларини компьютер тилига ўтказиш ҳамда у билан боғлиқ масалаларни компьютер технологияси ёрдамида ҳал қилиш каби муаммолар тадқиқи билан шуғулланмоқда. Машина таржимасининг иқтисодий тежамкор ва тезкор алоқа воситаси эканлиги бу йўналишда компьютер лингвистикаси фанининг тараққиёт истиқболини белгилаш билан бирга, янги илмий муаммоларнинг туғилишига ҳам сабаб бўлмоқда.