Lazerlarning kashf etilishi va uning inson faoliyatining turli jabhalarida keng qo`llanilishi yorug`lik hodisalariga qiziqishni yanada oshirgan bo`lsa, boshqa tomondan, lazerlar yordamida molekular-optik hodisalarni kuzatish osonlashdi.Shu sababli kitobning oxirgi bobida nochiziqli optik hodisalarni bayon qildik, ularning nazariy va amaliy jihatlariga to`xtaldik. Shuning uchun bu kitob optika va kvant elektronikasi mutaxassisligi bo’yicha tayyorlanayotgan magistrantlar, aspirantlar va fizika fakultetida xizmat qilayotgan yosh mutaxassislarni qiziqtiradi deb umid qilamiz.