Дунё миқёсида Жаҳон банки, Халқаро валюта жамғармаси каби халқаро молия институтлари давлат молиясини бошқаришда мамлакатнинг бюджет ресурсларидан самарали фойдаланиш ва барқарор ривожланишни таъминлашга оид чора-тадбирлар мажмуини ишлаб чиқиш ва амалга оширишни назарда тутади. Шу боисдан бюджет маблағларини мақбул прогнозлаштириш даромадларни оқилона шакллантириш билан бирга ундан мақсадли ва манзилли фойдаланишга эришишни кўзлайди.