Мавзунинг асосланиши ва унинг долзарблиги. Ахборот-коммуникация тизимларида маълумотлар алмашинувини самарали амалга оширишни ташкил этиш бугунги ривожланган жамиятда катта аҳамият касб этади. Ахборот технологияларининг жадал ривожланиб бориши, жамият фаолиятининг кенг соҳасида турли ахборот хизматларининг вужудга келишига олиб келди. Айниқса банк ва бошқа тўлов тизимларида, давлат ва жамият манфаатлари билан боғлиқ муҳим маълумотларни алмашиш ҳамда таҳлил қилишда, тез ва ишончли маълумот алмашинуви талаб этиладиган тизимларда ахборот муҳофазаси масалалари долзарб ҳисобланади