Тадқиқотнинг мақсади тиббиёт олий таълим муассасаси талабаларини лотин тилини ўқитишда интеллектуал-маданий ривожлантиришнинг дидактик асосларини такомиллаштиришдан иборат. Тадқиқотнинг объекти тиббиёт олий таълим муассасаси талабаларини лотин тилини ўқитишда интеллектуал-маданий ривожлантиришдан иборатдир. Тадқиқотнинг предмети лотин тилини ўқитиш жараёнида талабаларни интеллектуал-маданий ривожлантириш мазмуни ва дидактик тизими. Тадқиқотнинг усуллари. Тадқиқот мақсадига эришиш ва қўйилган вазифаларнинг ечимини топиш учун педагогик кузатиш ва тажриба синов, математик-статистика, социометрик методлар (анкета, суҳбат, тест), умумлаштириш ва эксперт баҳолаш усулларидан фойдаланилган.