Жаҳонда интернет тармоғининг ривожланиши ахборотларни йиғиш, сақлаш, қайта ишлаш ва ахборот алмашуви тезлигини кескин оширди ҳамда давлат бошқарувини тубдан ўзгартирмоқда. Мавжуд ахборот ресурсларини бошқара олиш, уларнинг хавфсизлигини таъминлаш ва ундан самарали фойдаланиш мамлакат хавфсизлигини ҳамда демократик ахборотлашган жамиятни муваффақиятли шакллантиришни таъминлайди. Мавжуд ахборотларга ноқонуний кирилиши, уларни ўғирланиши, йўқотилиши, бузиб кўрсатилиши ва уни ўзгартирилиши сингари муаммоларга йўл қўйилиши шахс, жамият ва давлатнинг ахборот хавфсизлиги даражасининг пасайишига олиб келади.