"Иқтисодиётимизнинг рақобатдошлигини янада кучайтириш, аҳоли фаровонлигиниюксалтириш кўп жихатдан бизнинг мавжуд ресурслардан, биринчи навбатда, электр ва энергия ресурсларидан қанчалик тежамли фойдалана олишимизга боғлиқ. Бу вазифани бажаришда ишлаб чиқаришни маҳаллийлаштириш дастурини кенгайтириш катта ўрин эгаллайди. Ушбу дастур доирасидаги лойиҳалар ҳажмини 3-4 баробар кўпайтириш мўлжалланмоқда.
«Янгиобод» насос станцияси Сурхондарё вилояти Жарқурғон туманида 1985 йилда 16430 га ерни суғориш учун 21 м3/с сарфга мўлжалланиб қурилган. Насос станциянинг сув олиш манбаи бўлиб «Ички хўжалик канали» канали ҳисобланади. Насос станцияда 6 та насос агрегатлари ўрнатилган. Насос станцияларни меъёрий ишлатиш муддати 16 йилни ташкил қилишини инобатга олсак, «Янгиобод» насос станцияси 32 йилдан бери ишлатилмоқда. Бу ўз навбатида насос агрегатлари ва ёрдамчи жиҳозларни ишончлиги ва техник кўрсаткичларига таъсирини кўрсатмоқда. Насос ва электротехник жиҳозларни тез орада ишдан чиқиши кузатилмоқда. Ҳозирги кундаги насос станциянинг сув сарфи 20,15м3/с ни ташкил қилади, суғориш майдони 16000 га ни ташкил қилади, 430 га ер суғорилмай қолмоқда."