Тўқимачилик маҳсулотларини тайёрлашда пишитилган ипларнинг ўрни каттадир. Пишитилган ип ишлаб чиқаришнинг асосий мақсади иккита ва ундан ортиқ якка ипларни қўшиб, бурам бериш натижасида уларнинг физик-механик хоссаларини яхшилаб, сифатини оширишдир. Демак, пишитиш машинасида пишитиш жараёнининг вазифаларидан бири бурам бериш ҳисобланади.
Пахта, кимёвий толалар ва уларнинг аралашмасидан йигирилган якка қўшилган ипларни пишитиш хар хил пишитиш машиналарида амалга оширилади. Пишитиш машиналарининг ва уларда пишитиш жараёнини амалга оширувчи механизмларининг тузилишига кўра фарқланади.
Айрим пишитиш машиналарида ипларни пишитиш билан бир қаторда қўшимча технологик жараёнлар: бир нечта ипларни қўшиш, пишитилган ипда турли сифатларни ҳосил қилиш, намлаш ва мумлаш кабилар ҳам амалга оширилади.