An’anaviy xalq qo’shiqchiligida ajdodlar merosini ulug’lanishi

Tabiiyki xalq qo’shiqchiligi ham aynan insonning ichki va tashqi dunyosini ohanglar orqali go’zallik va yaxshilikka yo’naltiradi. Ya’ni, kishilarda bo’lishi zarur bo’lgan hislatlar, aynan musiqada ham bo’ladi, jumladan, milliy qo’shiq chiroyli harakat, hushmuomalalik- hushohanglik bilan uyg’unlashadi. Bitiruv malakaviy ishimning birinchi bobida xalq qo’shiqchiligining tarixiy xususiyatlari, uning rivojlanib hamda insoniyat ongiga ta’siri jarayonida ma’naviy barkamollikning shakllanishi, eng muhimi buyuk allomalarimizning xalq qo’shiqchiligiga bo’lgan yuksak e’tiborlari va yoshlar tarbiya sifatlari takomilidagi o’ziga xos ko’rinishlar haqida to’xtalib o’tishga harakat qildim. Dars davomida xalq qo’shiqlarini kuylash va uning qadimiy asoslarini o’rganib borish haqida to’xtalib, xalq qo’shiqchiligi san’atini o’rganishda, jumladan, kuylash va tinglash orqali o’quvchilarning musiqa idroki milliy ohanglar ta’sirida kuchayishini, mustaqil fikrlay olishini hamda tinglangan ohanglar orqali ularning taqqoslash qobiliyatlari rivojlanib borishini bayon etdim.