Musiqiy tarbiya ma’naviyat ko’zgusi

Respublikamizda “Ta’lim to’g’risi”dagi Qonuni, Kadrlar tayyorlash milliy dasturi hamda DTS talablari asosida ish olib borish kasb ta’limini rivojlantirishda asos bo’ladi. To’qqiz yillik umumiy o’rta ta’lim joriy etilgach, barcha o’quv fanlar qatori musiqa madaniyati fanidan milliy ijro ustivorligida va hozirgi zamon talabi asosida yangi dastur yaratildi. Dastur asosida darsliklar, uslubiy qo’llanmalar, tavsiyanomalar, tahminiy mavzuli ish rejalari yaratilmoqda, chunki, musiqa tabiatiga ko’ra inson hissiyotiga kuchli ta’sir eta olish hususiyati bilan birga o’quvchilarni nafosat olamiga olib kirish, musiqa idrokini shakllantirish, musiqa savodxonligini oshirish va ahloqiy-g’oyaviy tarbiyalashning muhim vositasidir. Davlat ta’lim standartlarida belgilanganidek, mahalliy-uslubiy qo’shiqlardan foydalanish, mahalliy bastakorlarning asarlarini o’rganish musiqa madaniyati darslarida qo’l keladi. O’quvchi bunday usuldagi qo’shiqlarni tez o’zlashtiradi. Ular ohanglarning yoqimliligini qalban his etadilar, biroq yettinchi sinflarda berilgan maqomlar umumta’lim maktablarida tahsil oluvchi o’quvchilarga o’rganishlarida murakkabdir. Bunday qo’shiqlarni kasbga yo’naltirilgan o’quv muassasalariga berish o’rinlidir. O’zingiz o’ylab ko’ring, 30 nafar o’quvchidan 2 yoki 3 nafari bunday maqomlarni o’zlashtira olar, ammo barcha o’quvchilarni ham iqtidorli deya olmaymiz. Buning ustiga bu maqomlar jo’r bo’lib kuylashda o’quvchining noto’g’ri kuylashlarini keltirib chiqaradi.