Kasb-hunar kolleji o’quvchilarida fuqarolik madaniyatini shakllantirish.

Huquqiy davlatni barpo etish uchun avvalo, huquqiy tarbiyani ko’tarishi bugungi kunning muhim vazifalaridan biri bo’lib qolmoqda. Birinchi Prezidentimiz Islom Karimov ta`kidlaganidek, "Qonun ustivorligini, insonning huquq va erkinliklari himoyasini ta`minlamasdan turib, fuqarolik jamiyatini qurish haqida so’z yuritishga xech qanday asos qolmaydi" bu tamoyillar Konstitutsiyamizda ham aniq belgilab qo’yilgan. Kollej o’quvchilarining furaqolik madaniyatini shakllantirish uchun ularga huquqiy bilim berish va tarbiyalashni izchil amalga oshirish lozim, chunki huquqiy bilimsiz huquqiy ongni, huquqiy ongsiz esa huquqiy madaniyatni, huquqiy madaniyatsiz esa huquqiy tarbiyani tasavvur qilib bo’lmaydi. O’quvchining huquqiy madaniyatini, bilimi va uning ijtimoiy munosabatlarini tartibga soluvchi huquqiy normalar to’g’risidagi tasavvuri, tafakkuri, hosil qilgan tushunchasi va egallagan malakasidir, huquqiy madaniyatini esa uni o’zi egallagan huquqiy bilimi va malakasini xayotda to’g’ri qo’llashi, unga ongli va ixtiyoriy ravishda amal qilishi, boysunishidir.