Тадқиқотнинг мақсади гидропоника усули билан помидор етиштиришда маҳаллий саноатда ишлаб чиқирилаётган минерал ўғитлар ва гидропоника материалларини танлаш ҳамда улар асосида помидор етиштириш технологиясини ишлаб чиқаришдан иборат.
Тадқиқотнинг объекти сифатида Тошкент давлат аграр университетининг намунавий иссиқхонаси, республикада ишлаб чиқарилган минерал ўғитлар, томчилатиб суғориш усули ва гидропоникага мос помидорнинг «Rofita» F-1 дурагайи олинган.
Тадқиқотнинг предмети намунавий иссиқхоналарда гидропоника усули билан республикада ишлаб чиқарилган минерал ўғитлар ва гидропоника материаллари ҳамда томчилатиб суғориш усули асосида помидор етиштириш технологияси бўлиб ҳисобланади.